Gizarte Lanaren Mundu Egunerako antolatu ziren ekintzen balantze positiboa

Ermuko Udaleko Gizarte Zerbitzuek oso balorazio positiboa egin dute, martxoaren 17ko Gizarte Lanaren Munduko Egunaren baitan antolatutako jarduerei buruz. Ekimenek parte-hartze zabala jaso zuten, zerbitzua bizilagunei hurbiltzea ahalbidetuz, modu hurbilean, argian eta parte hartzailean.

Patxiren plazatxoko mahai informatiboa oso topagune dinamikoa suertatu zen, herritar asko igaro zelarik bertatik goizean zehar. Bertan, parte hartzeko jarduera egin zen, “Pasapalabra” jokoaren antzekoa, non bertaratutakoek gizarte zerbitzuekin lotutako kontzeptuak asmatu behar zituzten, arloko profesionalek eskainitako definizioetatik abiatuta. Ekimenak interesa piztu zuen, zerbitzuak egiten duen lanari lehen hurbilketa atsegina egitea erraztu zuelarik.

Dinamika horren ondoren, herritarrek mural kolektibo bat sortzen lagundu zuten. Mural horretan, Gizarte Zerbitzuetara jotzea beharrezkoa izan daitekeen eguneroko bizitzako hainbat egoera txertatzen joan ziren: zailtasun ekonomikoak, bizikidetza arazoak, autonomia galtzea, zahartzea, indarkeria matxistak edo familia harremanak, besteak beste. Oroigarri gisa, hazitegi txiki bat eman zen, zainduz gero loratu egingo dena, zainketek pertsonen ongizateari eta komunitatearen indartzeari nola laguntzen dioten sinbolizatuz.

Lobiano Kultur Guneko hitzaldi informatiboak Gizarte Zerbitzuen funtzionamendua bertatik bertara ezagutzea nahi zuen jende multzo handia bildu zuen. Topaketak aukera eman zuen modu hurbilean eta irisgarrian azaltzeko alorrean zer laguntza mota eskaintzen diren eta bizitzako zer unetan izan daitezkeen baliagarriak. Azken mezua zabalduz: gizarte zerbitzuak baliabide publikoa dira, herritar guztien eskura daudena.

Gainera, udal liburutegiak antolatutako erakusketa tematikoak aukera eman du gizarte lanarekin, bere balioekin eta gizartean duen eraginarekin zerikusia duten irakurketa eta materialak jendeari hurbiltzeko. Ekimenak ospakizunaren hezapena zabaltzen lagundu du.

Jarduera horiek aukera izan dira, halaber, herritarrek lantaldeko gizarte-langile guztiak ezagutu ahal izateko; izan ere, langile horiek, administrazio-atalarekin batera, udaleko Gizarte Zerbitzuen eguneroko funtzionamendua ahalbidetzen dute.

Ermuko Udalak gertuko Gizarte Zerbitzuekin duen konpromisoa berresten du, irisgarriak eta pertsonei bizitzako etapa guztietan laguntzera bideratuak.