Harrera ona NANa edo pasaportea berritzeko edo eskuratzeko zerbitzu mugikorrari

Polizia Nazionalaren Dokumentazio Unitate Mugikorra Ermuko Orbe Kardinalaren plazan izan da gaur, NANa edo pasaportea berritu behar duten egoiliarrei programatutako lehen zerbitzua eskaintzeko. Unitate honek 24 hitzordu eskaintzen ditu herrira datorren egun bakoitzerako, eta gaurkoak beterik zeuden, baita apirileko eta maiatzeko hurrengo egunetakoak ere. Hitzordua aldez aurretik erreserbatu behar da Abiapuntu bulegoan, Konbentukoa kalean, non lankideak datorren ekainaren 19rako hitzorduak kudeatzen ari diren.

Marisol Garmendia Espainiako Gobernuak Euskadin duen ordezkaria eta Carlos Garcia Gobernuaren Bizkaiko ordezkariordea Ermura etorri dira zerbitzu ibiltariaren lehen egun honetan. Beatriz Gamiz alkateak erakundeen ordezkariei harrera egin die, eta ordezkari biek dokumentazioa berritu dute. Hori dela eta, beharrezko urratsak eta kudeaketak zehatz-mehatz ezagutu ahal izan dituzte. Polizia agenteek Dokumentazioko Unitate Mugikorra artatzen dute. Dokumentazioko unitate mugikorraren furgoneta horrek makina bat du, Nortasun Agiri Nazionalaren ziurtagiri digitalak eguneratzeko. Azken izapide horretarako ez da beharrezkoa aurretiko hitzordua hartzea.

Zerbitzu berriari harrera positiboa ematen ari zaizkie herritarrak erosoa baita, aipatutako izapide administratiboak egitera udalerritik kanpo joan behar izanik gabe.