Haurren Kontseilua Ermua hobetzeko ideia berriekin agurtu da

Haurren VI. Kontseiluak agur esan du gaur osteguna, maiatzak 25. Taldea osatu duten Lehen Hezkuntzako 2. eta 3. mailako 22 haurrek gure udalerriko aktiboak eta gabeziak antzemateko erronkari heldu diote, Ermuko eguneroko bizimodua hobetzen jarraitu ahal izateko.

2022/2023 ikasturtean, kontseilari txikiek lehentasunezko sei ildo adostu dituzte haurtzaroaren arloan, hobetu nahiko luketenak eta garrantzitsutzat jotzen dituztenak: jolasa, natura, harremanak, ikaskuntza, osasuna eta autonomia.

Ildo bakoitzaren barruan, euren elementu gustukoenak identifikatu dituzte, baita herritar guztien ongizaterako aldatu edota hobetu beharko liratekeela uste duten gauzak ere.

Azken lan-saio honetan, aurreko edizioetan bezala, Kontseilua Juan Carlos Abascal alkatearekin eta Beatriz Gamiz Kultura zinegotziarekin bildu da erronkaren emaitzak aurkezteko. Talde txikietan, haurrek Ermua pertsonekiko eta, batez ere, umeekiko lagunkoiagoa izateko proposatzen dituzten hobekuntzen berri eman dute.

Bilera honekin amaitu da Haurren Kontseiluaren VI. edizioa, Ermuko Alkatetzaren organo aholkulari gazteena, Lehen Hezkuntzako bost ikastetxeen laguntzarekin: San Lorenzo, Ongarai, Anaitasuna, Eskolabarri eta San Pelaio.