Haurreskola 2024/2025 ikasturterako matrikulazioak prestatzen ari da

Ermuko Haurreskolak apirilaren 22an, astelehena, irekiko du 2024/2025 ikasturterako matrikulazio epea. 2023an eta 2024an jaiotako haurren gurasoek edo legezko tutoreek eskatu ahal izango dute plaza, baldin eta datorren ikasturteko irailean, urrian edo azaroan ikastetxean sartu nahi badute.

2024/2025 ikasturterako berrikuntza gisa, Haurreskolaren ohiko ordutegia zabalduko da, astelehenetik ostiralera 7:30etatik 16:00etara, familiei bizitza pertsonala eta lana uztartzen laguntzeko.

Matrikula apirilaren 22tik maiatzaren 10era egin ahal izango da. Izena eman nahi dutenek Iparragirre kaleko 15ean dagoen bulegora joan daitezke astelehenetik ostiralera 12:45etik 13:45era. Zalantzarik izanez gero, Ermuko Haurreskolaren telefonoa 943 17 64 31 da.

Kontsultatu hemen ikasturte berrirako onarpen-irizpideak.

Bestalde, datorren apirilaren 18an, osteguna, ate irekien jardunaldia egingo da 16:30etik 18:30era tokiko instalazioak ezagutu nahi dituzten guztientzat.