Herritik dabiltzan ibilgailu astunak kontrolatzeko kanpaina

Ermuko Udaltzaingoak herriko bideetan dabiltzan ibilgailuen kontrol eta prebentzio kanpaina berezia hasi du aste honetan. Zehazki, gure errepideetan salgaiak eta pertsonak garraiatzeko ibilgailu astunek legezko aginduak betetzen dituztela kontrolatzen ari da –dokumentazioa, kargak, asegurua, tara, gerrikoak, IAT eta abar–. Kanpainak hiru asteko iraupena izango du eta otsailaren 4ra arte iraungo du.

Kanpainaren helburua gure bideetatik zirkulatzen duten garraio profesionaleko ibilgailuek sektorerako dagoen araudiaren arabera zirkulatzen dutela bermatzea da, bai administratiboki, bai ibilgailuaren egoerari dagokionez, bide-segurtasuneko aginduak beteaz, bai eta gidatzen duen pertsonari dagokionez.

Astelehenetik eta kanpainaren hiru asteetan zehar, agenteek ibilgailuen zaintza eta kontrola (dokumentazioa, baimenak, mantentze-lanak, aldizkako azterketak, zamaren agirian, asegurua...) eta garraitzen dituzten salgai edo kargaren egoera arretaz zainduko dituzte. Gidariari  eta bidaiariek segurtasun-uhala erabiltzeari, gidatzen ari den bitartean telefono mugikorra erabiltzeari eta abarri ere arreta jarriko zaie. Alkoholaren eta substantzia estupefazienteen testa ere ausaz egingo dute.

Zaintza-kanpaina mota guztietako bideetan eta eguneko edozein ordutan egingo da, bereziki mota horretako ibilgailuen zirkulazioaren intentsitatea handiagoa denetan.