Itzali argia. Planeta defendatu

Aurten ere, Ermuko Udalak Planetaren Ordua kanpaina orokorrarekin bat egin du, klima aldaketaren eta naturaren babesaren aurkako borrokan duen konpromisoa berresteko. Planetaren Ordua ingurumenaren eta pertsonen aldeko mugimendu globala da. Bihar larunbata izango da, martxoak 22, iluntzeko 20:30etatik 21:30etara bitartean. ‘Argia itzali. Planeta defendatu’ lelopean bihar mundu osoko udalek, herritarrek, enpresek eta erakundeek argiak itzaliko ditugu ordu horretan, gure ingurumen-inpaktua murrizteko premiaz kontzientziatzea helburu duen keinu batean. Ekimenak gogoeta eragin nahi digu eta banaka bat egitera gonbidatzen gaitu, gure etxeetako argia ez piztera edo ez murriztera.

Klima-aldaketaren eta biodibertsitatearen galeraren aurkako munduko mugimendurik handiena WWF Naturarentzako Mundu Funtsak sustatzen du. Kanpaina honen barruan, gure erakundeak Udaletxeko, Ermua Antzokiko eta Orbe Kardinalaren plazako argiak itzaliko ditu bere borondatez eta 60 minutuz, 20:30etatik 21:30etara. Gainera, ekimenarekin bat egitera eta keinu hori egitera gonbidatzen ditu herritarrak, energia aurrezteko.

Ermuko Udala jasangarriagoa izateko eta hobetzeko lanean ari da. Planetaren Orduan partehartzea bere konpromisoaren adibide da, beste ingurumen-ekimen batzuekin batera, hala nola LED argiztapenera igarotzea eta argiteria publikoa hobetzea, edo ingurumen-hezkuntza gure ikastetxeetan, 2030 Eskola Agendaren bidez.

Nola parte hartu?

Edonork egin dezake bat Planetaren Orduarekin, etxeko argiak itzaliz eta funtsezkoak ez diren aparatu elektrikoak ordubetez deskonektatuz. Ekintza ez da hor amaitzen: keinu txiki bakoitza garrantzitsua da klima-aldaketaren aurkako borrokan.

Martxoaren 22an, elkartu mundu osoko milioika pertsonarekin. Itzali argia eta babestu planeta!