Jolasak eta dibertsioa guztiontzat Hiri Hezitzailearen Nazioarteko Eguna ospatzeko

Ermua Hiri Hezitzaileen Nazioarteko Sareko kide da 2017tik, eta horregatik ospatuko du datorren ostegunean, azaroak 30, Hiri Hezitzailearen Nazioarteko Eguna.

Orbe Kardinalaren plazan zazpi jarduera dibertigarri izango dira, haurrek eta herritarrek oro har gozatu ahal izateko. Ekitaldia 17:30ean hasiko da, eta 19:30ak arte, parte hartzaileek ludoteka handian, sukaldaritza osasungarriaren tailerrean, belaunaldien arteko jokoetan, imanen tailerrean, puzzle erraldoietan eta mural parte-hartzailean jolastu ahal izango dute. Gainera, egunari amaiera emateko, zumba klase dibertigarria eskainiko da.

Euria eginez gero, jarduera horiek guztiak Merkatu Plazan izango dira.

Lerro hauen osteko kartelean ikus dezakezue egitarau osoa.

Hiri Hezitzaileetan, kultura sorkuntza eta ikaskuntza iturri da, aurtengo leloak dioen bezala. Ospakizun honen bidez, hiri hezitzaileetako kultur eragile guztiak mobilizatu nahi dira, ospakizun dinamiko eta parte-hartzaile batean, elkarrizketa sustatzeko eta udalerriak eskaintzen dituen aukera artistikoak ezagutarazteko eta sinergia eta ikaskuntza berriak sortzen laguntzeko.