Kadete Mailako VII. Futbol Txapelketa jokatuko da apirileko lehen larunbatean

Ermua Kirol Elkarteak Tenneco Monroe Kadete mailako Futbol Txapelketaren zazpigarren edizioa antolatu du. Txapelketa apirilaren 6an, jokatuko da Teodoro Zuazua Udal Zelaian eta Betiondo kirol gunean.

Futbol txapelketa honetan zortzi klub bilduko ditu guztira, bi taldetan banatuta. Ermua CD etxeko taldearekin batera, Athletic Clubeko, Villarrealeko eta Deportivo Alaveseko kadeteek A multzoan jokatuko dute, eta Atletico Madrileko, CA Osasunak, Realak eta SD Eibarrek B multzoan neurtuko dituzte indarrak.

Norgehiagokak 9:30ean hasiko dira, eta goizean zehar jokatuko dira partidak.

Merezitako atsedenaldiaren ondoren, Teodoro Zuazua zelaiak hartuko du txapelketaren azken txanpa. 16:00etan, A multzoko lehenak B multzoko bigarrenaren aurka jokatuko du, eta 16:45ean, B multzoko liderrak A multzoko bigarrenaren aurka jokatuko du.

Finalerako txartela lortzen ez duten bi taldeek 3. eta 4. postuengatik jokatuko dute 17:30ean, eta 18:15ean izango da final handia.

Txapelketak Ermuko Udalaren eta Tenneco Monroeren babesa du, eta Arral Distribuciones, Bar Ambigú, Calderería Aldapa eta Malengo, Garlopa, Leku Eder, Txalaparta, Aldapa, La Kolina, Centro Gallego eta Centro Andaluz elkarteek parte hartzen dute.