Kaikorreko (Kenya) misioko Marianita mojak Ermuan izango dira

Consuelo Pillajo eta Blanca Vera, Jesusen Santa Mariana (Marianita ahizpa edo mojak) ordenako erlijiosoak, Kaikorren (Kenya) lanean ari direna, bihar -martxoaren 10ean- gure udalerria bisitatuko dute. Misio horrek Afrika ekialdean Euskal Elizbarrutiko Misioen (MMDDVV) babesa du. Ermuko Udala 2021ean hasi zan Elizbarrutietako Misioekin elkarlanean eta zazpi haurtzaindegiren mantenurako Proiektua bultzatzen. Mojal ikastetxeetara joango dira goizean nazioarteko lankidetza proiektuaren berri ematera eta, arratsaldean, herriko alkatearekin elkarrizketatuko dira eta Lobianon egingo den hitzaldi-solasaldi batean parte hartuko dute.

Proiektua Turkana deritzan biztanleriari zuzenduta dago, eta muturreko azpigarapen-egoeran bizi den gutxiengo etnikoa da, biziraupen-ekonomian bizi irauten duena. Proiektuak honako zentro hauek ditu: nutrizio-errehabilitaziorako zentroak (haurtzaindegiak), etengabeko arretako banaketa-zentroak eta inguruko biztanleei arreta emateko unitate mediko mugikorrak. Hainbat proiektu gauzatu dituzte edateko uraren azpiegiturak eta sareak eraikitzeko.

Haurtzaindegietan 900 haur ingururi arreta ematen zaie, egunean bi otordu ematen zaielarik, eskolaurreko hezkuntza oso oinarrizkoa eta gutxieneko asistentzia medikoa. Emakumeek autonomia pertsonala hobetzeko laguntza ere jasotzen dute, eta haiekin lan egiten da nekazaritza sustatzeko, bizirauteko bitarteko gisa.

Goizean, mojek ikastetxeetako hainbat gela bisitatuko dituzte nazioarteko lankidetza proiektu honen berri emateko.

Arratsaldeko 5etan Juan Carlos Abascal Ermuko alkateak harrera egingo die.

Arratseko 6etan hitzaldi irekia parte hartuko dute Lobianon, ‘Las Voces del Sur’ izenburupean.