Koadernatzen ikasteko tailerra antolatu du Kultura sailak

Udal Kultura sailak ikastaro berri bat iragarri du; koadernatzeko teknika ikasteko. Interesa duten 18 urtetik gorako guztiei  zuzendutako ikastaroa da eta Lobiano Kulturgunean emango da urriko astelehenetan, 18:30etatik 20:30etara bitartean. Gehienez 15 parte-hartzailerentzako lekua dago ikastaroan, horrek 8 ordu iraungo duelarik; bi ordu urriaren 6, 13, 20 eta 27an, astelehenetan.

Izen-ematea bihar, irailak 18, irekiko da, taldea partaidez bete arte. Ikastaroak 25 euroko prezioa du oro har, eta 22,5 eurokoa ikasle, erretiratu, langabetu eta gazteentzat. Deskontuari heldu ahal izateko, parte-hartzaileek aurreikusitako egoeraren batean daudela egiaztatu beharko dute: Lanbideko txartelak eta/edo Gazte Txartela.