Osalanen hitzaldia: etxeko arriskuei nola hartu aurre?

Eusko Jaurlaritzako Ekonomia, Lan eta Enplegu Sailaren laguntzarekin, Ermuko Udalak ZainSare Gunea du abian, izaera esperimentalarekin, etxeko eta zaintzako langileak enplegatzen edo enplegatu nahi dituzten pertsonei laguntza zerbitzuak eskaintzen dizkien udal baliabidea.

Zerbitzu horien barne sartzen dira, besteak beste, kontratazioen arloko orientazioa eta informazioa ematea, eskura dauden baliabideak edo eskubideak eta betebeharrak ezagutaraztea. Gainera, eskaintzaren eta eskariaren arteko lotura lana ere egiten du, hau da, etxeko langile-zaintzaileen eta enplegatzaileen arteko zubia.

Apirilean, etxeko arriskuen prebentzioari buruzko hitzaldia izango da, enplegatzaileek legez duten betebeharrari buruzko informazio argi eta errazarekin, etxean duten langileei lan baldintza egokiak eta seguruak bermatu ahal izan diezaioten. Hitzaldia Emakumearen Topagunean izango da, datorren asteko ostegunean, apirilaren 16an, 12:30etatik 14:00etara. Izenburua: “Prebentzioa etxean: legezko betebeharra etxean norbait enplegatzen baduzu”.

Hitzaldian, Osalaneko (Laneko Segurtasun eta Osasunerako Euskal Erakundearen) teknikariek azalduko dute zer arrisku dituzten etxeko eta zaintzako lanetan diharduten langileek; zer lege-betebehar duten langile horien kontratatzaileek, eta nola bete ditzaketen baldintzak. Gainera, bertaratutakoen galderei edo zalantzei ere erantzungo diete.

Edukiera mugatua denez, aldez aurretik izena eman behar da. Horretarako, nahiko da 747 42 58 56 telefonora edo Emakumeen Topalekuko zenbakira: 943 17 10 30 deitzearekin.

ZainSare Gunean udalerriko enplegatzaileei araudia betetzeko beharrezkoak diren ekintzak egiten laguntzen zaie. Horretarako, aurretik aipatutako bi telefonoetako edozeinetan hartu behar da hitzordua.