‘Sagarra’ kazolatxo onena eta ‘Urkaregi’ kazolatxo tradizional onena

XXIII. Ermuko kazolatxoen lehiaketa 'Sagarra' Gastro Pubarentzat izan da 'Zahara' proposamenarekin eta 'Urkaregi' jatetxearentzat 'Porrusalda bakailaoarekin eta odolkiarekin'. Lobiano Gastronomia Elkarteak antolatutako 2025eko lehiaketan hamabi establezimenduk hartu dute parte, eta zaila izan du epaimahaiak erabakia hartzea, aurkeztutako elaborazioen mailagatik.

Elkarte antolatzaileak diploma bana, 100 €uro, eta Markinako 'Euskitze Likor & Ardoak' banatzailearen produktu-sorta eman zien irabazleei asteartean egindako ekitaldian. Beatriz Gamiz alkatea eta Pedro Gallego zinegotzia sari banaketan parte hartu zuten.

Edizio honetako kazolatxorik onena Jesús Gonzálezen Gastrobar Sagarra-ri egokitu zaio, ‘Zahara’ izeneko kazolatxoagatik. Proposamena zen puntillatxoak frijituta, tenperatura baxuko arrautzarekin, kintxie gelarekin eta pipermin hariekin.

Tradiziozko kazolatxorik onena Andoni Doce zuzendariaren Urkaregi jatetxeko 'Porrusalda bakailaoarekin eta odolkiarekin' kazolatxoarentzat izan da.

Epaimahaia Josema Azpeitia, Josu Mugerza, Patxi Marina Martinez sukaldariek eta Lobiano Elkarteko Jesus Portugalek osatu dute.