San Pelaio kalearen oinezkoentzako guneko hiri-altzariak berritu dira

Udal Obra eta Zerbitzuetako Brigadak aste honetan San Pelaio kalearen oinezkoen gunean dauden hogeita bi (22) banku publikoak ordezkatu ditu. Lankideek lehendik zeudenak kendu dituzte – forjakoak eta egur materialezkoak –, noizean behin mantentzea eta margotzea eskatzen zutenak. Horren ordez beste batzuk jarriz, berri horien oinak, eserleku-listoiak eta bizkarraldea plastiko birziklatuzkoak direlarik. Hau da, gaikako bilketaren ontzi-ontzitik berreskuratutako materialarekin eginak daude. Banku horiek ere ehuneko ehunean birziklagarriak dira. Beste bost (5) banku ordezkatu dituzte Onagarai plazaren 12-16an.

Hiri alorrak hondatutako altzariak berritzen jarraituko du urte osoan zehar, eta, horretarako, 70.000 €uroko partida du ekitaldiko aurrekontuan.

Bankuaren ezaugarri teknikoak

"Citizen Eco" banku berria altuagoa eta erosoagoa da. Eserlekuaren oinarriak hiru lama ditu eta bizkarraldekoak beste bi. Erabilitako listoiak "ReBnew" izenekoak dira, jarlekuaren kasuan profil metalikoz indartuak. Beso-euskarridun bankada goi-presioko polimero injektatuz fabrikatuta dago. Ez du mantentze-lanik behar, ez da ezpaldu edo pitzatzen, ezta usteldu edo lehortu ere. Hezetasunarekiko eta eguraldi txarrarekiko erresistentzia handia du. Mota guztietako agente kimikoekiko erresistentea da, eta pintaden eta grafitien kasuan, garbitu egin daiteke. Torlojuak altzairu herdoilgaitzezkoak dira.

Arloko zinegotzi arduradun Rosa Mª Cidek adierazi duenez, "bankuak berrituta, udalerriko espazio publikoak hobetzen jarraitzen dugu, herritarrentzat irisgarriagoak eta erosoagoak izan daitezen. Gure kaleak elkargune eta bizikidetzarako gune izatea nahi dugu, eta banku berriek gure bizilagunen beharrei erantzuten diete. Lanean jarraituko dugu Ermua guztiontzako herri abegitsuagoa eta bizigarriagoa izan dadin".