Sexu-aniztasunaren errespetuari buruzko sentsibilizazio-jarduerak ikastetxeetan

29.05.24
Udal Liburutegia
Berdintasuna
Gizartea
Berdintasun Sailak jarduera ludikoak antolatu ditu Haur eta Lehen Hezkuntzako ikastetxeetan; 'Emakumeak eta literatura LBT+ tituluko erakusketa jarri du eta ekainaren 28an gogoan hartukoeta liburutegiarekingida argitaratu du

Maiatzean eta ekainean LGTBIQ+ kolektiboaren eskubideei buruzko bi efemeride oso garrantzitsu ditugu. Maiatzaren 17an, LGTBIQ+fobiaren aurkako Nazioarteko Eguna, eta ekainaren 28an, Aniztasunaren eta sexu-askatasunaren aldeko eta LGTBIQ+ harrotasunaren aldeko Nazioarteko Eguna.

Berdintasun Sailak jarduera ludiko bat antolatu du Ermuko haur eta lehen hezkuntzako ikastetxe guztietan, LGTBIQ+ kolektiboaren aniztasunarekiko errespetuaren inguruan sentsibilizatzeko. Horretarako, Yogurinha Borovaren laguntza izan dugu. Euskarazko abestien eta koreografien bidez, errespetuaren alde egiten du, haztea eta askatasun osoz sentitzea ahalbidetzearen alde.

Bere YouTubeko kanalak 2,62 K jarraitzaile ditu, eta haurrei zuzendutako abestien artean, "Sentipenak askatu" kantuak ikastetxeetako jolastokiei eta jolas-ekitaldiei jarri die musika. Hori dela eta, maiatzaren 16, 17 eta 20an, ikasleek eta irakasleek Yogurinha Borovarekin dantzan eta kantuan gozatu zuten.

Ekimen horretaz gain, Emakumearen Topaguneak "Emakumeak eta Literatura LBT+" erakusketa izango du ekainaren 28ra arte, Aniztasunaren aldeko Emakumeak elkarteak egina. Erakusketaren helburua LGTBIQ+ gaiei buruz idatzi duten egile lesbianak, bisexualak eta trans+ak agerian jartzea da, erreferenteak ematen eta gizarte integratuago, anitzago eta berdinzaleago bat sortzen lagunduz.

Erakusketak 11 herrialdetako 27 LTB+ emakume biltzen ditu, eta horietako bakoitza garrantzitsua da bere lanetan identitate, orientazio eta adierazpen sexual-generikoen aniztasuna lantzeko bizipenak, pentsamenduak eta ideiak erakusteagatik.

Udalak olana bat jarriko du Orbe Kardinalaren plazako kioskoan kanpainaren leloarekin. Era berean, LGTBIQ+ sinboloa den ostadarraren koloredun aurpegi-pinturaren 550 stick banatuko zaizkie Berdintasunean, Indarkeria Matxistaren Prebentzioan eta Sexu Aniztasunean oinarritutako Hezkuntza Integraleko Programan parte hartzen duten ikastetxeetako ikasleei.

Irakurketa gida

Berdintasun Sailak eta Ermuko udal Liburutegiak irakurketa gida bat prestatu dute. Bertan haurrentzako proposamenak, literatura, musika, ikus-entzunezkoak eta webguneak jasotzen dira, aniztasun eta askatasun sexualaren eta LGTBIQ+ harrotasunaren esparruan gehiago sakontzeko. Gida hau udal eraikinetan eskuratu ahal izango da eta bertsio digitala ere  izango da.

Lotutako albisteak

Imagen
24.06.24
Ermua Sarean | En Red, adinekoen nahi gabeko bakardadeari aurre egiteko prest

Proiektua Lobiano Kultur Gunean aurkeztuko da ostegunean, hilak 27, 13:15ean
Imagen
Premio en la ctegoría de 0 a 12 años de edad
21.06.24
Abian da Bookface udako lehiaketa

Ekimen dibertigarri honen hirugarren edizioa irailaren 15era arte luzatuko da
Imagen
20.06.24
Ostiral honetan hasiko da Valdespinako Markesaren aparkalekuan plaza eskatzeko epea

Aparkalekuak autoentzako 54 plaza eta motoentzako hiru ditu, eta emakida-erregimenean esleituko dira