Tanttakaren ‘Desobedienteak 18/98’ antzelana hartuko du Antzokiak

‘Tanttaka teatroa'k ‘Desobedienteak 18/98' antzezlana aurkeztuko du ostiral honetan, 20:30ean, Ermua Antzokian. María Goiricelayaren obra da, zuzendaritza partekatzen dutelarik Mireia Gabilondok eta Fernando Bernuések. Emanaldiak 85 minutu irauten du eta euskaraz eskainiko da. Sarrerak 10 euro balio du eta aldez aurretik eros dezakegu Lobiano Kulturgunean, Kutxabankeko atarian edo kutxazainetan, edo leihatilan emanaldia hasi baino lehen. Antzezleak Aitziber Garmendia, Telmo Irureta eta Mireia Gabilondo dira.

'Desobedienteak 18/98' antzezlana euskal historia garaikideko auzi judizial polemikoenetako batera garamatza. Antzezpenak 18/98 sumarioa izan zen prozesu judizial polemikoan murgiltzen gaitu. Bertan, gizarte-mugimenduei lotutako fundazio batetik eskubide zibilak defendatzen zituzten hainbat pertsona auzipetu zituzten. Ainhoa Zientzia Politikoetan doktoratu berri da, eta desobedientzia zibilari buruzko doktore-tesia defendatu behar du auzitegi akademiko baten aurrean. Esanahiz beteriko adibideen bidez, desobedientzia zibilak eskubide zibilen historian izan duen paper erabakigarriaz eta eskubide horiek irabazteko bideaz hitz egiten digu lanak.

Tanttaka Teatroak sumario ezagun hura berrirakurtzen du, bizi izan zutenen ahots eta oroimenetik abiatuta, obrak mahai gaineratzen ditu hainbat zalantza, zauri eta arretarik gabe entzun gabe geratu ziren kontakizunak.