Udaberriari harrera egiteko festa

12.04.24
Kultura eta Gazteria
Gizartea
EMOEk eta Sagarrak urtaro berriari harrera egiteko jarduerak antolatu dituzte, udalaren laguntzarekin eta finantzaketarekin

Oraintsu urtaroz aldatu gara eta udaberria iristea, horri harrera egin eta ospatzeko arrazoia da. Egunek argi gehiago dute, luzeagoak dira eta eguraldiak lagun izan ohi dugu. Hori dela eta, datorren larunbatean, herriko plazan musika zuzenean jartzeko dozena erdi disc-jockey bilduko dituen musika programa izango dugu. Motorrak berotzen joateko, larunbat honetan Gastro Pub Sagarrak aurre-festa hartuko du Iker B Dj-aren musikarekin, 0:30etatik 2:00etara.

Ekitaldi gehienak zortzi egun barru izango dira, apirilaren 20an, larunbatean. Egun berezia eta bizia izango da hori, Aste Santuaren eta Pazko-egunen ondorengoa. Musika eta giroa izango dira nagusi Orbe Kardinalaren plazan, 19:00etatik 02:00etara, eta denbora tarte horretan sei DJ arituko direla aurreikusi eta iragarri da.

Arratsaldez eta gauez, estilo eta korronte berrienetako azkena eta ezagunena jarriko dute: Iker B; Baby G; Gorka Pérez, Danel Santiago, Andoni S eta Daaira dj ermuarrak.

Hauexek dira horietako bakoitzerako aurreikusi eta ezarritako ordu-tarteak:

  • 19:00etatik 20:15era: Daaira
  • 20:15etik 21:30era: Andoni S
  • 21:30etik 22:30era: Danel Santiago
  • 22:30etik 23:45era: Iker B
  • 23:45etik 00:30era: Baby G
  • 00:30etik 2:00etara: Gorka Pérez

Lotutako albisteak

Imagen
27.05.24
Jokoaren Nazioarteko Egunaren hirugarren edizioan, dibertsioa guztiontzat

Jaia sendotu egingo da gure udalerrian bihar, maiatzak 28, beste edizio batekin
Imagen
24.05.24
Pertsonak zaintzen dituzten profesionalentzako autozainketa-programa

Ermuak "Zaindu Zaitez" programa eskaintzen du, partikularren zaintzaren arloko emakume langileen autozaintza eta lan-osasuna sustatzeko. Izen-ematea zabalik
Imagen
24.05.24
Ermua kulturen arteko erakusleiho izango da aste honetan

Zazpigarren edizioa izango da, datorren asteko sei egunetan jarduerak ekarriko dizkiguna