Udal instalazioen Gabonetako jai-egunak eta ordutegi bereziak

Udaleko administrazio, kultura eta kirol zerbitzuek Gabonetako jai-egunetara egokituko dituzte ordutegiak. Datozen bi asteetan jai-egunak egongo dira eta ohiko ordutegiak aldatu egingo. Herritar eta erabiltzaileek honakoa izan beharko dute kontuan:

Administrazio zerbitzuak

• Abiapuntu Bulegoa, Enplegu Zentroa eta Gizarte Zerbitzuak itxita egongo dira abenduaren 24an, 25ean, 26an eta 31n eta urtarrilaren 1ean, 2an eta 6an. Biharko ostiraletan 12:00ak arte egongo dira zabalik, eta gainontzeko egunetan, astelehenetik ostiralera, 08:00etatik 15:00etara irekiko dira. Egoitza elektronikoa herritarren zerbitzura dago eguneko 24 orduetan, urteko 365 egunetan, edozein izapide telematikoki egin ahal izateko.
• Udaltzaingoa ere eguneko 24 orduetan egongo da herritarren zerbitzura, lanegunetan zein jaiegunetan. Abisuetarako, 943 17 63 00 telefono zenbakira deitu.

Kirol zerbitzuak

• Miguel Angel Blanco udal kiroldegia eta Aritzmendi pilotalekua itxita egongo dira abenduaren 25ean eta urtarrilaren 1ean. Abenduaren 24an eta 31n, instalazioak zabalik izango 08:00etatik 14:00etara, eta urtarrilaren 6an, irekiera ordutegia 09:00etatik 13:30erakoa izango da. Gainontzeko egunetan, ohiko ordutegian zabalduko dituzte ateak: 08:00etatik 21:30era lanegunetan eta 09:00etatik 13:30era eta 16:00etatik 20:00etara larunbat eta igandetan.
• Betiondo Kirol Gunearen kasuan ere, abenduaren 25ean eta urtarrilaren 1ean eta 6an itxita egongo da. Abenduaren 24an eta 31n, 09:15etatik 13:00etara. Gainerako egunetan, ohiko ordutegian egongo da zabalik.

Kultur zerbitzuak

• Lobiano Kultur Gunea abenduaren 24, 25, 26 eta 31n eta urtarrilaren 1ean, 2an eta 6an itxita egongo da. Gainontzeko egunetan zabalik, 08:00etatik 15:00etara.
• Emakumearen Topagunea 24, 25, 26 eta 31n eta urtarrilaren 1ean, 2an eta 6an itxita egongo da. Abenduaren 22, 23, 29 eta 30ean zabalik 8etatik 15:00etara.
• Izarra Centreko Tecnoteka ikasketa gunea itxita egongo da abenduaren 24, 25 eta 31n eta urtarrilaren 1ean eta 6an. Gainerako egunetan, astelehenetik igandera 08:00etatik 22:00era egongo da zabalik.
• Udal Liburutegia ere itxita egongo da abenduaren 24an, 25ean, 26an eta 31n eta urtarrilaren 1ean, 2an eta 6an. Biharko ostiralean, 12:00etatik 17:00etara itxita egongo da. Abenduaren 22, 23, 29 eta 30ean zabalik izango goizeko 9etatik gauerdira arte, ikasleek azterketak prestatu ahal izateko.