Udal langileek haur eta nerabeen inguruko berariazko prestakuntza jaso dute

Ermuan argi daukagu gure haur eta nerabeak herriaren etorkizuna ezezik, oraina ere badirela. Urteetako lanaren ondorioz, UNICEFek Haurren Lagunen hiri gisa eman digun aitortza lanean jarraitzera eraman gaitu eta 2026 honetan ilusioz jarraitzen dugu Haur eta Nerabeen II. Planean aurrera egiten.

Aipatu plana paperean bakarrik ez dadin geratu eta gure adingabeen egunerokotasuna hobetuko duen errealitate batean bihurtzeko, Udalak langileentzat prestakuntza jardunaldiak antolatu ditu otsailaren azken astean, 23an eta 27an. Prestakuntza horren helburua arlo guztietako profesionalek -Hezkuntza eta Kulturatik hasita Herritarren Segurtasunera, Kiroletara edo Bulego Teknikoraino– Haur eta Nerabeen Udal Plana (HANUP) sakonago ezagutzea, eta eguneroko zereginean bide orri bera partekatzea.

Hau da, profesional bakoitzak adingabeen eskubideak bere egunerokoan nola integratu jakiteko prestakuntza, hiriaren diseinuan haien ahotsa entzungo dela eta berdintasun, osasun, partaidetza, kultura, ingurumen, hirigintza eta abarreko politikek Ermuko haur eta nerabe guztiak kontuan hartuko dituztela bermatzeko.

Ikuspegi hezitzaile horretan sakontzeko, Ermuak maila goreneko bi hizlariren partehartzea izan du: Jordi Collet Sabé, Hezkuntzaren Soziologiako katedraduna eta komunitate gizatiarragoak sortzen aditua, eta Elsa Fuentes Do Rosario, UNICEF Euskadiko koordinatzailea, munduko haurren eskubideak zaintzen dituen erakundearen esperientzia hurbildu duena.

Prestakuntza honekin, gure Udalak konpromiso sendo eta koherentea indartzen du: modu koordinatuan lan egitea, Ermua eskubide, segurtasun eta autonomia osoz hazteko lekua izan dadin. Hori izango da araua eta ez salbuespena.