Uztailaren 23an hauteskunde-mahaiak osatuko dituzten titularrak eta ordezkoak izendatu dira

Udalbatzak zozketa bidez izendatu ditu gaur uztailaren 23ko igandean eta Hauteskunde Orokorreko egunean osatuko diren hogeita bi hauteskunde-mahaietan parte hartu behar duten 198 pertsonak. Hori guztia Hauteskunde Batzorde Zentralak ezarritakoaren arabera.

Izendapena Estatistikako Institutu Nazionalaren (INE) aplikazio informatiko baten bidez egin da, Ermuko Biztanleen Erroldan gauden pertsona guztien artean ausazko zozketa anonimo bat eginez. Zozketa eta izendatzea gaur, ekainaren 27honetan, egindako ezohiko Osoko Bilkuran egin da, bilera zuzenean emititu dugularik gure Youtube kanalean, izendatutako pertsonen izen-zerrenda eta datu pertsonalik erakutsi gabe.

Izendapen horien jakinarazpenak jada prestatzen ari dira, eta, jarraian, interesdunei jakinarazteko prozesua hasiko da. Hauteskunde-mahai bakoitzak mahaiburu bat eta bi kide ditu. Batzordeburuak batxiler-titulua edo bigarren mailako lanbide-heziketako titulua izan beharko du, edo, hala badagokio, eskola-graduatua edo baliokidea. 22 mahai izango ditugu, 11 ataletan eta zazpi hauteskunde-egoitzetan banatuta. Ermuan ez dugu aldaketarik izango maiatzaren 28ko Udal eta Batzar Nagusietarako Hauteskundeei dagokienez. Ermuan 198 pertsona izendatu dira mahaiburu, mahaikide eta beste 14 ordezko horietako izendapenen bakoitzerako.

Izendapenaren aurrean alegazioak aurkez ditzaket?

Izendatuak izan diren pertsonek jakinarazpena jasotzen dutenetik zazpi egunetako epea dute Durangaldeko Hauteskunde Batzordeari kargu hori onartzeko oztopatzen dieten zioak eta dokumentazioa aurkezteko. Durangaldeko Hauteskunde Batzordeak bost egunetan behin-betiko erabakia hartzen du. Aurreikusitako arrazoien artean 65 urtetik gorakoak izatea; sei hilabetetik gorako emakume haurdunak; pertsona ezgaituak, gaixotasun justifikatuak dituzten pertsonak, eta abar.

Oraingo honetan, alegazioak egiteko bi aukera izango ditugu, lehenengoa Durangaldeko Hauteskunde Batzordera bertara joatea eta, bestea, alegazioa bide telematikoz aurkeztea.

Durangaldeko Hauteskunde Batzordea

Bertaratzeko helbide eta ordutegiaren datuak

• Helbidea: Ezkurdi plaza z/g (Guardiako epaitegia)
• Telefonoa: 946030060
• Alegazioetarako ordutegia:
  • Astelehenetik ostiralera: 15:30etik 19:00etara
  • Larunbatak: 10:00etatik 13:00etara

Modu telematikoa:

• Alegazio-idazkia posta elektroniko honetara bidali: alegacionesdurango@yahoo.com.
• Web-orriaren bidez: https://www.mesaselectorales.es/web-excusas-form. Horretarako, beharrezkoa da NAN elektronikoa, cl@ve gakoa, ziurtagiri digitala eta abar izatea.

Alegazio guztiak derrigorrez erantsi behar dute:

• Mahaian egioteko izendapenaren fotokopia
• NANaren fotokopia
• Alegatzeko justifikazioa egiaztatzen duen agiriaren kopia (65 urte baino gehiago, ezintasun-egoera, laneko baja, gaixotasuna, programatutako bidaiak, laneko arrazoiak, etab.)