Zaldiko-maldikoen atrakzioak Zubiaurrera itzuliko dira aurtengo Santixauetan

Zaldiko-maldiko eta azokako atrakzioak ohiko lekura itzuliko dira aurtengo Santixauetan eta Zubiaurreko -goiko aldeko- aparkalekuan izango dira berriro, azken urteetan bertako obrengatik San Antoniora lekuz aldatuta egon ondoren. Uztailaren 22tik 28ra Ermuan izango ditugu.

Kokapen horrek aukera emango du jai-muinotik gertu egoteko, Zubiaurre herriko kalerik zentrikoenetako bat baita. Leku horretan hamar bat elementu eta etxola izango ditu, adin talde ezberdinentzako atrakzioekin. Dagoeneko jarrita daude talka-autoen pistak helduentzat eta haurrentzat; jauzi-ohe elastikoak, igel eroa, haur-karrusela, txurro-denda, eta horiei gaur egun tiro-etxola gehiago, dardoak eta abar gehituko zaizkie.

Barrakak jartzeak inguruko bizilagunei eragingo die bereziki. Udalak ulermena eskatu die bizilagunei eta Valdespina Markesaren aparkalekuan, LomiPowerren eta inguruko beste gune batzuetan aparkatzen lagundu dezatela.