Zer egingo zenuke Errekaldeko eremuan?

Iazko "Ermuak erabakitzen du" partaidetzazko aurrekontuen prozesuan Errekaldeko natur gunea berreskuratzeko proposamenak jaso zuen babesik handiena, 30 urtetik 64ra bitarteko biztanleen artean. Adin-talde horrek espazio eta birika berde hori hobetzea proposatu zuen, Betiondoko igerileku publikoa inauguratu ondoren erreka naturala udako bainu eremu gisa erabiltzeari utzi baitzion. Eremu edo gune horretarako jasotako iradokizunen artean, aisialdirako gunea berreskuratzea, jolaserako eta/edo kirolerako gunea prestatzea, hiri-baratzeak egokitzea, eta abar zeuden.

2026ko aurrekontuan 85.000 euro gordeta ditu, denon artean erabakitzen dugun proiektua egin eta gauzatzeko. Ermuarrok erabakiko dugu zer egin; proiektua gure erabakia izango da. Horregatik, gure iritzia emateko eta ideak proposatzeko aukera aprobetxa dezagun. Parte hartu! Rekalde hobetzea, gure sentitu eta gozatzeko zeregina guztiona baita.

Inkesta 30 eta 64 urte bitarteko biztanleentzako da; horregatik identifikatzeko eskatzen digu. Online da eta maiatzaren 31ra arte egongo da aktibo. Galdetegia irekia da, Errekaldeko espazioari eman behar zaion erabilerari, instalatu daitezkeen elementuei eta gure iradokizunei buruzko kontsulta egiten digu, egokien deritzoguna idatz dezagun. Behin epea amaituta, emaitzak eskainiko ditugu. Proposatu zure ideia, parte hartu!