Zeramikaren hastapenei buruzko tailerra gazteentzat

Udal Gazteria Zerbitzuak doako tailerra antolatu du zeramikaren hastapenari ekiteko. Tailer azaroan egingo da liburutegiko hirugarren solairuan eta hiru saio izango ditu, elkarren segidako hiru larunbatetan -azaroak 15, 22 eta 29-. Tailerra 2009 eta 2013 urteen artean jaiotakoei zuzenduta dago eta saio bakoitzak ordu eta erdiko iraupena izango du arratsaldeko ordutegian, 16:30etatik 18:00etara. Eskainitako plazak mugatuak dira eta izena azaroaren 10era arte eman daiteke, informazio-karteleko QR kodearen edo honako agiriaren bidez. Pertsona interesdun gehiago badago plaza baino, horiek zozketa bidez esleituko dira.

Jardueran, parte-hartzaileek arte honetan objektu funtzionalak edo dekoraziozkoak egiteko gehien erabiltzen diren teknikak ikasiko dituzte. Parte hartzen duten gazteek gosari-katilu bana egingo dute, bai eta beraiek erabakitzen duten objektu edo eskultura libre bat ere. Moldekatzea eta zeramika fabrikatzea oso jarduera lasaigarria da, sormena eta irudimena sustatzen dituena. Historiaurretik datorkigun artisau-prozesu jasangarrira hurbiltzeko aukera da.

Jardueran izena emateak hiru saioetara joateko konpromisoa dakar, plaza lortuz gero. Plazak mugatuak dira eta izen-ematea azaroaren 10era arte egin daiteke, informazio-karteleko QR kodearen bidez eta izenemate agiriaren bidez. Gazteria Zerbitzuak jardueran izena emateko aukera ematen du, banaka edo bikoteka. Bikoteka izena eman nahi izanez gero, pertsona bakoitzak bere formularioa bete eta lehenengo galderan tailerrean parte hartu nahi duen pertsonaren izena adierazi beharko du. Izenek bat etorri beharko dute bi inprimakietan.

Pertsona interesdun gehiago badago plaza baino, horiek zozketa bidez esleituko dira. Ermuan erroldatutakoek lehentasuna izango dute. Onartutako pertsonen zerrenda webgune honetako iragarki-taulan argitaratuko da azaroaren 11n, eta e-posta bidez mezua bidaliko zaie izena eman duten guztiei.

Edozein kontsultarako, deitu eta idatzi Gazteria Zerbitzura: 689 04 25 71 telefonora eta gazteria@udalermua.net helbide elektronikoa.