Gillermo Bengoetxea

Izelaieta kaleko 8. zenbakian jaio zen 1878ko otsailaren 10ean, eta herriko literatur irudikapen garrantzitsuenetako bat da. Idazle, bertsolari eta pilotaria izan zen, eta Txindurri bezala zen ezaguna; izena ez zen berea bakarrik, baita Txindurri etxekoak ziren familiako kide guztiena ere. Bere aitona Txindurrinekoa izenez ezagutzen zen, aurrean dugun etxeak, Gillermo Bengoetxearen bizilekuak, gaur egun arte izan duen izena.

Bere aita Pedro Bengoetxea Lasarte zen eta armak egiten zituen, suzko armetan tiroa eragiten duten mekanismoak, hain zuzen. Gillermo ere su armekin aritu zen lanean urte batzutaz, baita Eusko Trenbideen konpainian ere.

Guda Zibilaren ondorioak bere azalean jasan zituen, eta Bilboko Larrinaga espetxean eta Vigoko San Simon uhartean kartzelaratu zuten; azken hori sarraski eta kontzentrazio eremu bezala erabiltzen zen uhartea zen.

Pilotan trebea zen, eta beste askotan mendian ibiltzen zen, inguruko gailurretara igotzen. Euzkadi egunkarian egin zuen lan korrespontsal bezala, eta bertsoaren munduan hasi zen poliki-poliki, bere bertsoak sortu zituen arte. Ermuarren artean ezagunak dira Ehiztariak, Elorrixotik etorri jakin edo Neure alaban seme. Hala ere, bi dira ezagunenak: Babia saltzen y Hartzaren koplak.