Gaur zine-klubeko emanaldia egongo da

“Mudo-Drogot” talde zinemazaleak antolatzen duen zine-klubaren emanaldiek aurrera egingo dute gaur, zine alemaniarraren zikloan iraila honetarako programatutako bigarren filmarekin. Gaur Dani Levy zuzendariaren, ‘La Jirafa’ luzemetraia ikusi ahal izango dute zaleek. Filma politiko honetan, protagonistek nazismoarekin izandako lotura eta harremanak kontatzen dira.

Proiekzioa Ermua Zineman izango da, gaueko hamarrak eta laurdenetan. Sarrerak 2,60 euro balioko dute, ikusle orokorrentzat.