-Ertibil Bizkaia-, gazteek eginiko arte lanen erakusketa ibiltaria Ermuan

Gazte bizkaitarrek eginiko arte plastikoko obreen erakusketa ibiltaria, ‘Ertibil Bizkaia’ izenez ezagutzen dena, Ermuan izango dugu hilaren bukaerara arte. Bizkaiko Foru Aldundiaren Kultura sailaren erakusketa hori Teresa Murgako aretoan egonen da, datorren urriaren 29ra arte. Erakusketa zabalik dago astelehenetik ostiralera bitartean, arratsaldeko 6etatik 8etara eta, larunbatetan, goizeko 11etatik arratsaldeko ordu 1era. Gazteek eginiko arte garaikideko obrak biltzen dituen erakusketa honetan hogei artistaren lanak biltzen dira. Horien artean, pinturak, argazkiak, marrazkiak, eskulturak eta grabatuak daudelarik. ‘Ertibil’ek ikusleari egungo artearen aniztasunean murgiltzeko aukera eskaintzen dio. Aurtengo hau hogeita bigarren edizio da, Bizkaiko artista gazteentzako lehen txapelketa deitu zenetik. Erakusketa hau Bizkaiko hamabi herritan izan da, aurtengo udazkenetik abendura bitartean. Aurtengoan azpimarratzekoa da emakumeek deialdian eta erakusketan duten pisua eta presentzia nabarmena, aukeratutako hogei partaideetatik hamalau andrazkoak baitira.