Liburutegia itxiko da, eraikinean obrak egiteko

Udal liburutegia datorren ostiraletik irailera bitartean itxi egingo da, Teresa Murga eraikina goitik behera berritzeko hasi berri diren obrak egiteko. Gaurtik eta ostiralera bitartean bazkideek nahi beste liburu eta ikus-entzunezko materialak hartu ahal izango dituzte maileguan. Liburutegiko fondoak eramaten dituztenek aukera izango dute horiek uztaila, abuztuan nahiz irailean bueltatzeko. Uztaila eta abuztuan zehar materialak bueltatu nahi dituztenek Kultura Sailaren bulegoetara (Komentukua kalera) eraman ditzakete edo, nahiago izanez, gero, irailean liburutegiak berriz ireki artean edukitzeko.

Errehabilitazio obra horiek eraikin guztia hartuko dute, sarreratik hasi, fatxadarekin jarraituz eta barruko aldean ere bai. Teresa Murga udalerrian eratuko diren kultur zerbitzu eta eraikin esanguratsuenen gunean integratzeko asmoa dago. Hori horrela, Lomiñoneko Kultur Etxea, Musika Eskola eta Haurtzaindegiko eraikinekin bat jartzeko obrak dira hauek, horiek guztiak osatzen duten gune kulturalaren barne txertatzeko xedez.

Fatxadaren obra hau udan egingo da bazkide, erabiltzaileei eta oro har, herritarrei, ahal den eragozpenik gutxiena sortzeko asmoz.