Monty Python taldearen sketchik onenak

“Yllana & Imprebis” antzerki taldeek umorezko ikuskizuna aurkeztuko dute gaur gauen Zineman, 22,15etatik aurrera. Antzezlanak " Monty Phytonen sketchik onenak" titulatzen da. Muntaia Santiago Sánchezek zuzentzen du. Obran parte hartzen duen boskoteak, ondoko aktoreek osatzen dute: Carles Castillo, Antonio de la Fuente, Diego Molero, Richard Collins-Moore eta Fernando Gil. Sarrerak 8 € balio du.

Monty Python talde britainiarra da, 60 eta 70. hamarkadetan ingelesen ideosinkrasia umorearen bidez bildu eta landu zuena. Entzute handia lortu eta oso ospetsuak egin ziren, batez ere, ‘Monty Python’s Flying Circus’ (Monty Pythonen zirku ibiltaria) izeneko telebista-saioari esker. Telebista-saio horrek sketch laburrak aurkezten zituen, askotan kritika sozial zorrotza erantsiz eta gehienetan umore surrealista eta absurdoan oinarriturik.

Taldea umore absurdoaren ordezkaririk behinena izan zen, benetan maisu, surrealismoa eta ateraldi gatzdunak lantzen. Taldea debekatuta egon zen Espainian eta arrakasta izugarria Portu zuen bere telebista-saioei eta ‘La vida de Brian’ edo ‘El Sentido de la Vida’, besteak beste, filmei esker. Taldeak jarraitzaile asko lortu du mundu zabalean eta, gure herria ez delarik horretan salbuespena izan, horregatik antzerki talde eta komiko ugariren iturri izaten jarraituz. Gaur gabeko emanaldia paregabeko aukera da, Monthy Python taldearen onenaz gozatzeko, gazteleraz eta azpititulurik gabe.