HIESaren eragina Afrikan

Emakumearen Topalekuak Afrikan HIESak eta emakumeak bizi duten egoerari buruzko erakusketa zabaldu du gaur. Erakusketa horrek ‘HIESA Afrikan: isiltasunaren epidemia’ titulua du eta kontinente horretako herritarrek bizi duten egoera negargarriaz jabetu gaitezela du helburu. Afrikan hogeita bost milioi pertsona kutsatuta daude Giza Inmunoeskasiaren Birusaz (GIBaz). Dena den gaixotasunak ez die berdin eragiten gizon eta emakumeei, ez horixe, azken horien portzentajea bost aldiz handiagoa baita. Erakusketa hori, HIESaren nazioarteko egunaren atarian gauden honetan zabaldu da eta hilabete bat iraungo du Emakumearen Topalekuan.

Erakusketa astelehenetik ostiralera egongo da zabalik eta bere ordutegia ondoko hau da: goizez, bederatzi eta erdietatik ordu bata erdietara eta, arratsaldez, lauretatik zortzietara bitartean. Sarrera librea da.