‘Martxoren 8’aren inguruko materialaz irakurketa gida prestatu da

Udal liburutegiak eta emakumearen topaguneak elkarlanean ‘Martxoren 8’aren inguruko materialaz irakurketa gida prestatu dute. Gida horretan eskuratutako materialik berriena bildu da eta eskaintzen diren gaien artean, besteak beste, ondokoak daude: lana, sexualitatea, familia edo harremanak generoaren ikuspuntutik. Gainera musikari, teoriari eta ikerketari buruzko hainbat material ere biltzen du gidak. ‘Martxoaren 8an, ostegunean, ‘Emakume Langileen Nazioarteko Eguna’ ospatuko da. Egun horretan oro har eta historikoki, emakumearen lan- eta bizi-baldintzak hobetzeko eta benetako berdintasun eraginkorraren aldeko aldarrikapena egin ohi dugu.

Gida udal liburutegian nahiz emakumearen topagunean eskuratu daiteke. Gidaren osagarri gisa, liburutegiak liburu eta ikus-entzunezkoen erakusketa ere antolatu du. Aurrez aukeratu den material hori interes-gune batean jarrita dago. Materiala martxoaren 17ra bitartean eskainiko da.