Erabiltzaile eta mailegu ugari, udal liburutegiaren abuztuko datuetan

Udal liburutegia zabalik egon da aurtengo udan. Zerbitzutik erabiltzaile ugari pasa dira eta horietatik askok materialak hartu dituzte maileguan. Abuztua, gehientsuenentzat behintzat, opor hilabetea bada ere, liburutegian lana handia izan da. Askok opor egunak zatiturik hartzeak eta eguraldi kaxkarrak bere eragina izan dute horretan. Liburutegiko lankideek uztailaren 22tik abuztuaren 22ra bitarteko egunetan jasotako datuak kaleratu dituzte. Datuetatik ondorioztatu daiteke jende ugari ibili dela, 5187 bisita izan baitituzte eta material asko utzi dutela maileguan, 3.500 eskariri erantzun baitiote. Utzitako materiala liburutegiak dituen fondoen %14a izan da.

Hilabete horretan gehien eskatu eta irakurri diren liburuak ondorengo hauek izan dira: gazteleraz Steve Berryren ‘La habitación ámbar’, eta euskaraz , Jon Maiaren ‘Riomundo’ titulua. Ikus-entzunezkoen atalean, gehien utzitako DVDa gazteleraz ‘Érase una vez el hombre’ serieko aleak izan dira eta euskaraz pailazoen ‘Triki-traka, triki-tron’.

Bestalde, estatistika horietan ere beste hainbat datu ere jaso dira. Esaterako, liburutegian internetera kablerik gabe (bertako WiFi sistemaren bidez) sartzen diren erabiltzaileek. Horiek guztira 468 pertsona izan dira; 268 uztailean eta gainerakoak abuztuan.Horiek zerbitzuko bederatzi esku ordenagailuak erabili ditzakete eta beraien propioa. Wi-Fi-az konektatzeko erabili dutenetik %69 gizonezkoak izan dira eta beste %39ak emakumezkoak.