Kepa LIzarraga kirol medikuak hitzaldia emango du

Kepa Lizarraga medikuak hitzaldia emango du gaur, ''Artarrai'' taldeak antolatu eta gauzatzen diharduen Mendiko Kirol eta Kultur Jardunaldien VIII. edizioaren barne. Ekitaldia Lobiano Kulturgunean egingo da, arratsaldeko zazpietatik aurrera. Hitzaldiak ondoko titutulua du: "Mediku baten esperientziak Everest mendiaren kanpamendu basean. Espedizioaren prestakuntza eta bertako bizimodua".

Lizarraga hainbat kiroletan mediku aditua da. Horren adierazle eta lekuko, okupatzen dituen hainbat karguen zerrenda dugu, besteak beste: Bizkaiko Foru Aldundiaren Kirol Medikuntza Zerbitzuko kidea da; baita Bizkaiko Mendiko Kirol federazioaren mediku aholkularia eta, azkenik, Esku pilotako enpresen medikua ere bai.