Iñaki Zuzaren hitzaldia gaur, mendiko jardunaldien barne

Iñaki Zuza goi mendietako gidari eta laguntzaileak alpinismoaren inguruko diaporama aurkeztuko du gaur arratsaldean Lobiano Kultur Gunean. Proiekzioa arratsaldeko zazpietan hasiko da. Saioa Artarrai Mendi taldeak antolatu du eta mendiko zortzigarren jardunaldien egitarauaren barne txertaturik dago. Iñaki eskarmentu handiko mendizale hernaniarra da, igoera eta espedizio ugaritan parte hartutakoa. Gaur arratsaldeko saioan igo dituen mendietako biren materialarekin muntaturiko diaporama ekarriko digu. Mendi horietako lehena Nepalen dagoen eta ia 7000 metroko altuera duen ‘Ama Dablan’ izenekoa da. Bigarrena berriz, Txileko ‘Cerro Marmolejo’ mendirako igoeran bildutako materiala da. Azken honek ere, 6000 metrotik gorako altuera du.