Ermua -Inauteri asteartea- biziz

Beste behin gure herrira heldu da "Inauteri asteartea".  Aurten, mozorrotzeko adorea izan dutenek eguraldi onarekin ospatu ahal izango dute. Egun berezi honetan gure herrian jende pilo batek parte hartzen du. Hori dela eta, adibidez, gaur goizean Merkatu Plazaren dekorazioa oso polita zen, munstruoen gaztelu handia zuelarik plazaren erdi-erdian. Haurrek ere egun berezi hau gozatzeko eta ondo pasatzeko erabiliko dute, bihar atsedena hartu ahal izango dutelarik ez baitute joan beharko klasera jai eguna izango baita herriko ikastetxeetan.

Inauteri astearteko egitaraua:

• 8,30etan: Kalejira dendari eta ostalarien bandarekin
• 16:00etan: haurrentzako diskoteka
• 19:00etan: kale ikuskizuna Les Vernisseurs taldearen eskutik
• 22:00etan: dantzaldia « Lisker » orkestarekin. Ekitaldi guztiak herriko plaza nagusian egingo dira.