Hogei establezimenduk hartuko dute parte pintxoen VI. txapelketan

30.05.08

Gizartea

Ostalaritzako hogei establezimenduk hartuko dute parte herriko seigarren pintxo txapelketan. Aurtengo parte hartzaileen kopuruak errekorra suposatzen du, aurrekoetan, gehienez ere, hamahiruk eman baitzuten izena. Kopuru horrek argi lagatzen du, ekimenak urtetik urtera gero eta interes gehiago pizten duela, bezeroen nahiz tabernarien artean. Pintxo txapelketa ekainaren 18tik 22ra bitartean gauzatuko da. Esan bezala, iaz hamahiruk parte hartu zutenez, gainerako zazpi ostalarik txapelketa estreinatuko dute aurtengoan.

Txapelketa hau urtero antolatzen du Lobiano Gastronomi Elkarteak. Eta ikusten denez, ikusmin handia pizten du. Aurtengoan, epaimahaia ondorengo kideek osatuko dute, Elgoibarko Belaustegi Jatetxeko sukaldari den Iosu Mugerzak, Ondarroako Cantabrico tabernatik datorren Pantxo Bedialaunetak eta Lobiano elkarteko kide bat. Patxo Bedialaunetak ‘Urrezko Arzak saria jaso zuen, Munduko Pintxoen Txapelketan. Epaimahaia establezimendu guztietatik pasako da ekainaren 19ko arratsaldean. Bezeroek txapelketara aurkeztutako pintxoak dastatu ahal izango dituzte ekainaren 18tik 22ra bitartean, biak barne. Pintxoak 1,10 €urotan salduko dira.

Txapelketan parte hartuko duten establezimenduen zerrenda eta bakoitzak aurkeztuko duen pintxo proposamena eta horren ezaugarriak ondorengo taulan eskaintzen dizuegu:

2008ko txapelketara aurkeztutako pintxoak
Zk.a	Establezimendua	Proposamenaren izena	Osagaiak
1	Bodega Sirimiri	Ave que vuela	Oilaskoa, ardo zuria eta oreganoa
2	Txalaparta	Mundiala	Zapoa, amerikar saltsa eta tomate marmelada
3	Cafetería Giroa	Pyrrhula	Urdaiazpikoa, pikillo piperra eta txipiroia
4	Cafetería Zutabe	Pamela de calabacín	Urdaiazpiko ondua, ahuntz gazta eta kalabazina
5	BeerStation	Gaztamendi Beerstation	Gazta, ahate-urdaiazpiko et uraza ezberdinak
6	Cafetería Irulitxa	Irulitxa	Azpizuna eta tomatea
7	Cafetería Jai	Intropia	Ogi zaporeduna, legatz kokotxak, tipuleta eta azal hautsa
8	Cafetería Xagua	Canutillo X	Hostore eta hegaluzea
9	Titanic	Gnomo	Solomo eta onddoak
10	Herga	Herga II	Txanpiñoi eta urdaiazpikoa
11	Cafetería Zurich	Auténtico	Hegaluzea, gazta urtua eta urdaiazpiko egosia
12	Bodega Pedreña	Quendimon	Endibiak, gazta eta izokina
13	Rte. Urkaregi	Mil hojas de chipirón	Txipiroia, kipula eta tinta beltzaren mousse-a
14	Kiska Pub	Pimiento Marino	Zapoa, bakailaoa, itsas alga, ganba eta buia
15	Centro Andaluz	Bacalao Izar	Patata, bakailaoa eta galepe-arraultza
16	Orensana	Prego do Mar	Olagarroa, parata eta ganba
17	Infreñu	Deabrua	Gazta mousse-a, antxoa eta piper marmelada
18	Cheers	Uxue	Usakume eta kipula karamelatua
19	Axut	Axut	Roquefort gazta eta kipula karamelatua
20	Hanigan´s Irish Tavern	Itxaso	Txangurru eta otarrainxka

Hogei establezimenduk hartuko dute parte pintxoen VI. txapelketan

Lotutako albisteak