Argitaratu da VIII. Gastronomia Jardunaldien programa

VIII. Gastronomia Jardunaldien programa kalean dago jadanik. Aurtengo edizioa jarduerak gainezka dator eta barne hartzen dituen proposamenen artean ondokoak izango ditugu: tailerrak, dastatzeak, hitzaldiak, lehiaketak, afariak eta abar. Aurtengo nobedadea, porgraman gastronomia eta musika uztartu nahi izan direla da, “musika, tradizionalki, gastronomiarekin erlazionatu izan baita gure herrian, bai sozietateetan bai tabernatan ere”. Hori horrela, hilaren azken larunbatetan egiten den ‘Ermua Kantuan’ izeneko ekimenak, aste bete aurreratuko da, gastronomiako azokarekin bat egiteko.

Egitaraua ofizialari ekainaren 16an emango zaio hasiera. Aurkezpen ekitaldian Tolosako Rafael Gorrotxategi gozogile eta maisu famatuak egingo du. Hitzaldian txokolateen onura eta sekretuez mintzatuko da eta ondoren produktuaren dastaketa egingo da. Hurrengo egunean haurrentzako zapore tailerra egingo da liburutegian. Aste horretako asteazkenean ostalarien arteko pintxo txapelketa zabalduko da. Ostegunean. Berriz, afari dastaketa izango da Erretena elkartean, Valladolideko Gabino Gonzalez sukaldariak prestatutakoa. Ostiralean, txakolinari buruzko dastatzea eta ikastaroa egingo da. Larunbatean aste eta jardunaldiei amaiera gozoa emateko, azoka egingo da plazan. Bertara berrogei ekoizle eta erakusle bilduko dira. Egun handi horretan herriko sozietateen arteko bakailao txapelketa egingo eta txistorra-jana herrikoia baita ere.

Jarduera bakoitzaren inguruko zehetasunak -leku-orduak, eta abar- ikusi ahal izateko, eragin beheko informazio gehiago izeneko lasterbidean. Programa osorik zabalduko da pdf formatuan.