Infreñu tabernaren -Deabrua- izeneko pintxoa onena izan da, ermuarren ustez

‘Infreñu’ tabernak aurkeztutako eta ‘Deabrua’ izeneko pintxoa izan da onena, herritarren ustez. Horrela ondorioztatzen da bukatu berri ditugun jardunaldi gastronomikoetan egindako herri inkestatik. Inkestari ia hirurehun pertsonek erantzun diote, horietatik 94 web gune korporatibo honen bidez bozkatu dutelarik eta gainerako 204ak, larunbatean plazan jarritako ontziaren bidez. Botatu duten gehiengoak, botoarekin batera egindako iruzkinetan inpresio oso onak adierazi dituzte, pintxoetan inoiz baino aukera zabalena eta guztien kalitatea ezaugarria izan baita.Botu eta babes gehiena lortu duen pintxoaren osagarriak ondoko hauek ziren: gazta tartarra, kipula melatua, bokeroi eta piper gorri marmeladaz estalitako pinazi eta oliba beltza ogian.

Herritarrek egindako sailkapena 2008 Pintxo Lehiaketan

Postua	Establezimendua	Pintxoaren izena	Plazan bildutako botoak	Internet bidezko botoak	Botoak guztira	Pintxoaren argazkia
1º	Infreñu	Deabrua	9	57	66
2º	Kiska Pub	Pimiento Marino	28	12	40
3º	Centro Andaluz	Bacalao Izar	30	2	32
4º	Cafetería Jai	Intropia	20	2	22
5º	Cheers	Uxue	19	2	21
6º	Orensana	Prego do Mar	12	7	19
7º	Cafetería Zutabe	Pamela de calabacín	16	0	16
8º	Cafetería Giroa	Pyrrhula	14	0	14
9º	BeerStation	Gaztamendi Beerstation	8	4	12
10º	Txalaparta	Mundiala	9	0	9
11º	Herga	Herga II	6	1	7
12º	Bodega Pedreña	Quendimon	3	3	6
13º	Cafetería Xagua	Canutillo X	6	0	6
14º	Cafetería Zurich	Auténtico	6	0	6
15º	Rte. Urkaregi	Mil hojas de chipirón	3	2	5
16º	Hanigan´s Irish Tavern	Itxaso	4	1	5
17º	Titanic	Gnomo	4	1	5
18º	Axut	Axut	3	0	3
19º	Bodega Sirimiri	Ave que vuela	2	0	2
20º	Cafetería Irulitxa	Irulitxa	2	0	2

Bide elektronikoa eta internet erabilita botatu duten guztien artean sei ardo botila zozketatu dira eta saria Carol Hernández Mojón ermuarrarentzat izan da. Larunbatean eginiko feriak interesa eta ikusmin handia piztu zuen eta, bero eta sargoria egin zuen arren, giroa oso ona izan zen egun osoan zehar. Lobiano elkarteak azokaren inguruan balorazio positiboa egin du, azokara jende ugari hurbildu zelako eta bertaratutakoek produktuen inguruan interes handia agertu eta horien inguruan galdera asko egin zituztelako. Jarrera hori asko gustatzen zaie bertaratutako ekoizleei ‘jakinminaren eta interesaren bidez produktua bera ezagutzera ematen delako eta gero, norberaren gustuaren arabera, produktua kontsumitzera eta hori erostera’.

Soziedade gastronomikoen arteko bakailao lehiaketara bederatzi elkarte aurkeztu ziren eta txapela ‘Basarri’ko kideentzat izan zen. Epaimahaia Eibarko Eskarne Jatetxeko, Iosu Etxabe, Elias Uriarte sukaldariak (Mandiola) eta Etxremadurako postuko kide batek osatu zuten. Txistorra-jana herrikoiak ere jendetza bildu zuen eta herriko eskubaloi elkarteak antolatzen zuenez, gaztetxoen arteko partidak ikusi ahal izan ziren plazan bertan. Lobiano elkarte antolatzaileak eskerrak eman nahi dizkie azokan parte hartu duten guztiei eta, bereziki, horretan lagundu duten enpresa eta pertsonei.