Urari dedikaturiko gune berezia jarri du liburutegiak

Udal liburutegiak urari dedikaturiko gune berezia jarri du. Bertara ura ardatz duen material ugari bildu eta eskaintzen du. Erakustoki horretan liburuak nahiz ikus-entzunezkoak eskaintzen dira. Materiala berrogeita hamar bat elementuk osatzen dute, horietatik hogeita hamar helduen atalekoak direlarik eta gainerako hogeiak haur eta gazteen atalekoak.

Helduen atalean tamaina handiko argazki liburuak, kiroletakoak (igeriketa, surfa, eta abar…) itsasoari loturiko lanbideak (arrantza, urpekaritza, eta abar…) nahiz klimatologia edo legeriari buruzkoak daude. Horiez gain, musikako disko konpaktuak eta dokumentalak ere eskaintzen dira, dvd formatuan.

Haurren ataletik, aldiz, gehien eskaintzen diren aleak ipuinak dira –batez ere txikienentzat- urari loturiko hitzak eta beren esanahia ikasterik izan dezaten, eta baita euriaren zikloa nahiz lurrunaren balioaz jabetu daitezen. Horiekin guztiekin batera, jakintza eta ezagutza landu eta areagotzeko liburukiak ere badaude, uraren inguruan planteatutako galderak bildu eta horiei erantzuna modu erraz eta jolasaren bidez ematen dietenak.

Material horiek guztiak maileguan hartu eta etxera eraman daitezke. Informazio puntu hori bi hilabetez mantenduko da, uraren eta baliabide naturalen inguruko sentsibilizazio areagotzeko xedez.