76 gaztek hasi dute ikasturte berria LHIKan

Ermua-Mallabia Lanbide Hastapenetarako Ikastegiak hasiera eman dio ikasturte berriari. Ikasturteari errekor batekin eman zaio hasiera, inoiz baino matrikula gehiago izan baititu. Guztira 76 gaztek eman dute izena, horietatik 46 gizonezkoak dira eta beste 30ak andrazkoak. Aurtengo ikasturtean irakatsiko diren espezialitateak hiru dira: automozioa, ile-apaindegia eta mekanizatua.

Ikasturte berriak hainbat aldaketa esanguratsu ekarri ditu berarekin. Aldaketen artean programaren egitura eta izena aldatu izana daude, EJko Hezkuntza, Unibertsitate eta Ikerketa Sailak hartutako erabakia dela medio, ikastaroen izen berria ondoko hau baita: Lanbide Trebakuntzarako Hasierako Programak. Aldaketa horiei esker, orain ikasleek i. mailako titulua eskuratu ahal izango dute, hezkuntza arautuaren barne eta homologatua dagoena, eta baita Derrigorrezko Bigarren Hezkuntzako ziurtagiria eskuratzekoa ere.

Irakaskuntza orain arautua da eta titulu homologatua lortzeko balio du

Sustapen ekonomiko, enplegu eta trebakuntza sailaren bidez gure udala azken hamabost urteotan lanean jardun izan du araututako irakaskuntza utzi izan duten gazteekin eta lan mundura sartu nahi izan duten gaztekin lanean LHIKan.

Jose Luis Araujo alorreko zinegotzi eskudunaren hitzetan azken urteetako ibilbidea eta emaitzak oso positiboak izan dira eta emaitza horiek izan dira hain zuzen zerbitzua eskaintzen jarraitzeko arrazoi nagusia. Zentrotik pasa diren ikasleen %80 lan merkaturatzea lortu du eta beste %35ak hezkuntza sistemara bueltatu da, ikasten jarraitzeko. Azken horien artean, lanean hasi eta ikasten segitzea erabaki duten hainbat gazte kontatu daude.

Hezkuntza proiektu integratzailearen aldeko apustu sendoa

Ikasturte berria hastearekin batera, ikastegian hezkuntza-proiektu sozial bat ere abiarazi da. Horretan, gazteon hezkuntzarekin zerikusirik eta zeresanik duten eragileak inplikatu eta parte hartu beharko dute; hots; familiak, irakasleak eta gazteak, ikaskuntzan aurrera egiteko eta errespetuz elkarbizitzeko helburua lortu nahi bada behintzat. Hori horrela, ikasturtean zehar, eztabaidarako eta lanerako taldeak eratuko dira, zeintzuetan gazteentzako interesgarriak izan daitezkeen gaiak jorratuko diren.

Elkar-lanean jarduteko proiektu berri horren adierazgarri aurreko aste amaieran Lobianon guraso, irakasle eta zuzendaritzaren artean eginiko bilera da. Lehen bilera honetan zentroaren proiektua eta bere oinarriak aurkeztu zaizkie gurasoei.