-Oporrak 2008- lehiaketako argazkiak ikusgai Lobianon

Lobiano Kultur Gunean ikusgai daude “Oporrak 2008” lehiaketara aurkeztutako argazkiak. Lehiaketa hori urtero deitzen eta ordaintzen du udal gazteria zinegotzigoak. Erakusketa Lobianoko lehen gelan jarrita dago. Horretan bildu eta ikusgai jarri dira lehiaketara aurkeztu eta finalerako aukeratutako hogeita sei argazki. Irudi horiek aurtengo uda eta oporrak pasatzeko ermuarrek bisitatu zituzten hainbat lekuetan ateratakoak dira.

Erakusketa ohiko ordutegian bisitatu daiteke; astelehenetik ostiralera arratsaldeko 6etatik 8etara bitartean. Larunbat eta igandeetan berriz, goizez 12etatik ordu 2etara eta arratsaldez, 6etatik 8etara.