Herriko GKEk egitaraua antolatu dute Giza Eskubideen Adierazpenaren urteurrenerako

Herriko GKEen koordinadorak hainbat ekitaldi antolatu ditu Giza Eskubideen Adierazpenaren 60. urteurrena beteko delako datorren astean. Jarduerak datorren astean zehar gauzatuko dira eta giza eskubideen aplikazioaren inguruko hausnarketa eta horien aplikazioa aldarrikatzeko xedea izango dute. Jarduera horien bidez antolatzaileek eskatuko dute “pertsona oro izan gaitezela giza eskubide guztien subjektu” eta aldarrikapen hori “egunerokoa eta esparru guztietako jarduera bilakatzea”. Koordinadorak adierazi duenez “gizaki guztien jomuga dirudien adierazpen hau, bizimodu justuagoa eta bidezkoagoa bermatzeko gutxieneko arau gisa, estatu guztiek hartu dute progresiboki. Badirudi mundu osoko gobernuak, erakundeak, pertsonak orokorrean, Giza Eskubideen onberatasunari buruzko eztabaidarik gabeko adostasun batera iritsi garela, eta askotan bete daitezela eskatzen dugu; nahikoa da, ordea, gure inguruan begiratzea hori errealitatetik oso urrun dagoela eta eskubide hauek muga jasanezinetaraino urratzea oso erraza dela konturatzeko”.

Herriko taldeek kartela eta programa bana kaleratu dute. Programan esaten denez “praktican ikus dezakegu eskubide horiek era arbitrarioan aplikatzen direla eta, ondorioz, pertsona guztiek ez dituztela jasotzen, guztiak ez baikaga eskubide-subjektu”. “Ekonomiak, aberastasunak, politikak, eta abar… munduko pertsona askoren bizi-baldintzen banaketa diskriminatzailea dakartzate eta, askotan, horiei baldintza penagarrietan konbizitzera kondenatzeraino” daramatzate. Egitarauan urratzen diren oinarrizko eskubide horietako hainbat zerrendatzen dira , besteak beste, ondorengoak: “sexu-berdintasuna, hezkuntza, etxebizitza, elikadura, osasun artapena, edo pertsonen zirkulazio askea”. Horregatik, pertsonok eskubide horiek aldarrikatu eta eskatu behar ditugula azpimarratzen dute.

Jarduerak ondoko taldeek antolatu dituzte: Egoarbitza Misio Taldea, el Komite Internazionalista, Cáritas, Huancavelicaren Lagunak, Ayuda en Acción, Sahararekiko Elkartasun Plataforma eta Urko Punta. Horiek guztiak 2008 sentiberatasun egitarauaren barne txertatzen dira. Egitarauean iragartzen denez hitzaldia, kontzentrazioa, zine-forumeko emanaldia eta erakusketa bat egingo dira. Egitarauari hasiera emango zaio abenduaren 9ko asteartean. Egun horretan Jesus Martinez de Ezquerecocha, Los Rios, Ekuadorreko, gotzaina izandakoa 24 años urtez eta Loli Garciak Babahoyo lurraldeko Giza Eskubideen Bulegoren sortzailetariko kideak hitzaldia emango dute. Hori Lobianon izango Lobiano da, arratsaldeko zazpi eta erdietan. Hurrengo egunean kontzentrazioa egingo da herriko plazan Giza Eskubideak aldarrikatuz. Jarraian Pispillu abesbatzak kantatuko du. Ostegunean Michael More zuzendariaren Sicko, proiektatuko eta ondoren eztabaida egingo da. Amaitzeko, esan behar, aste osoan zehar giza eskubideen inguruko materiala ikusgaia izango dela Lobiano Kultur Gunean.

Egitaraua beheko informazio gehiagoko lasterbideari lotura eginez eskaintzen dizuegu.