Azterketak direla-eta, ordutegi berezia hasiko gaur liburutegian

Gaurtik aurrera udal liburutegiak goizetik gauera bitarteko ordutegi berezia izango du, otsaileko azterketak ate joka baitauzkagu. Zerbitzua zabalik izango da egun osoan zehar goizean goizetik hasi eta goizaldeko ordu batak bitartean, otsaileko azterketak prestatzen eta ikasten jardungo duten ikasle nahiz gainerako erabiltzaile guztientzat.

Ordutegi bereziko kanpaina berri hori indarrean izango da urtarrilaren 12tik otsailaren 19ra bitartean, biak barne. Epe horretan, esan bezala, zerbitzua zabalik egongo da goizeko 9,30etatik gauera bitartean, hain zuzen ere goizaldeko ordu 1ak arte. Ordutegi hori astelehenetik ostiralera mantenduko da.

Aste bukaeretan ere zabalik, eta ohikoa mantenduz

Aste bukaeretan ohiko ordutegia mantenduko da, hau da, goizez 10etatik ordu 2etara bitartean eta, arratsaldez 5etatik 8etara.