Eva Fernandez zinegotzi karguaz jabetu da gaur

EB-Berdea udal taldeak bi zinegotzi ditu berriz ere. Gaur goizean Eva Maria Fernandez zinegotzi berria karguaz jabetu da. Izendapena Udalbatzak goizean eginiko Osoko Bilkura ezohikoan egin da, ordezkari berriak Konstituzioari zin egin ondoren. Eva Fernandezek taldea osatzen du, Rosa Caballero kidearekin batera, Jose Luis Gimenoren ordez.

Aldaketa egin eta gero, Udalbatza berrian emakumeak dira nagusi

Aipatu ordezkatze hori egin eta gero, Ermuko Udalbatzan emakumeak dira nagusi. Gure Udalbatza 17 pertsonek osatzen dute, eta gaurdanik horietatik bederatzi kide emakumeak dira eta gainerako 8ak gizonezkoak. 2007ko Toki-hauteskundeen lehen emaitzen arabera egoera alderantzizkoa zen, hau da gizonak emakumeek baino kide bat gehiago zuten . Orain, Gimenoren ordezkapenari esker, emakumeek egoera irauli egin dute 9 izatera pasatuz, gizonek bat galdu eta 8 kiderekin geratu direlarik.