Toki-inbertsioko Estatu Fondoaren beste 5 obra-proiektu esleitzeko prozedurak zabalik

Administrazio Publikoko Ministerioak onetsi eta Toki-inbertsioko Estatu Fondoari atxikitako beste 5 obra esleitzeko prozedurak hasi ditu Ermuko udalak. Proiektu horien kostua guztira 999.000 eurotik gorakoa da. Bost obra-kontratu horiek prozedura negoziatuaren bidez esleituko dira. Kontratazio prozedura horietan parte hartzeko interesa izan dezaketen enpresek, beren proposamenak aurkez ditzakete datorren martxoaren 9ko astelehenera artean. Agiriak Abiapuntu bulegoan aurkeztu behar dira, Komentukua kaleko 3.eraikinaren etxabeko bulegoetan, hain zuzen ere.

Obra horiek aurtengo urtean gauzatu behar dira. Obren exekuzio-epeak bi hilabetetik bostera bitartekoak dira. Proiektuen zerrenda hori ondoko lanek osatzen dute:

Toki-inbertsioko Estatu Fondoaren xedea toki-eremuan inbertsio publikoa sustatzea da, horretarako Toki-entitateen eskumenen barne dauden eta obra berri eta berehala egin beharrekoentzat finantzazioa eskaintzen duelarik, Administrazio Publikoko Ministerioak. Azken batean, fondo horrek ekonomia eta eraikuntza suspertu nahi ditu, horrek enpleguan ere eragin positiboa izango duelakoan. Prozedura hauetara aurkez daitezke izaera juridikoa duten enpresari indibidualak nahiz enpresak (Ondasun Erkidegorik ez), baldin eta baldintza pleguetan exijitutakoa betetzen badute. Deialdien xehetasun guztiak beheko informazio gehiagoko lasterbideari eginiko loturaren bidez eskaintzen ditugu.