M-1: Partidu Sozialista izan da Ermuan boto gehien bildu duena

Partidu Sozialistak gaurko Eusko Legebiltzarrerako hauteskundeetan botorik gehienak lortu ditu gure herrian. Patxi Lopezen alderdiak guztira 3.888 bozka lortu ditu, hautesle-erroldak Ermuan izan duen 13.317 hautesle posibleetatik. Bigarren alderdi botatuena Eusko Alderdi Jeltzalea izan da, zeinak 1.755 bozka (%20,48) lortu dituen.

Boto kopuruaren araberako zerrenda horretan, hirugarren tokia PPri egokitu zaio 1.742 botorekin eta portzentajean %20,33. Laugarren, EB izan da 366 bozka jaso baititu (%4,27). Aralar izan da bosgarren 340 botorekin (%3,97). Azkenik, lehen sailkapenean honetan bosgarren Rosa Diezen UPyD da 155 botorekin (%1,81) eta seigarren EA geratzen da 106 txartelekin. Eusko Legebiltzarrerako emaitzen datu zehatzak ondorengo taula grafikoan eskaintzen ditugu:

2009ko Eusko LegebiltzarrrakoHauteskundeen behin-behineko emaitzak

Ikonoa	Talde politikoa	2009ko botoak	botoak (%)	2005eko botoak
	PSE-EE PSOE	3.888	45,37 %	3.367
	EAJ-PNV	1.755	20,48 %	1.709
	PP	1.742	20,33 %	2.515
	EB	366	4,27 %	521
	ARALAR	340	3,47 %	122
	UPyD	155	1,81 %	0
	EA	106	1,24 %	0
	BESTE HAINBAT	146	1,7 %	0

Ermuan hautesleen %66,42 bozkatu du gaurkoan, parte-hartzea duela lau urterekin alderatuta, 0,86 puntu igo delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin-betikotzat joko ditu organo horrek.

Informazio gehiago delako lasterbidearen bidez sekzio eta mahai bakoitzean izan diren emaitzen berri zehatza eskaintzen dugu pdf formatuko taulan.