Gaztegunera sartu ahal izateko, eman izena

13 eta 17 urte bitarteko gazteentzako ‘Gaztegune’ espazioa irekita dago hilaren erdialdetik, eta azaroan sarrera librea egon da, ezagutu ahal izateko. Abenduaren 6tik aurrera eta zerbitzuaren araudian jasotakoari jarraiki, erabiltzaileek inskribatuta egon behar dute eta gurasoen edo legezko ordezkariaren baimena izan behar dute sartu ahal izateko. Izen-emateak jadanik egin daitezke.

Izena emateko izapidea Abiapuntun edo Udalaren webguneko egoitza elektronikoaren bidez egin daiteke. Baita udal Liburutegian ere egin ahal izango da. Azken kasu horretan, amak, aitak edo legezko ordezkariak, inskripzio-inprimakiaz gain, beste dokumentu gehigarri bat sinatu beharko dute, Gazteria Zerbitzuko langileei baimena emanez bere izenean inskribatze-izapideak egin ditzaten.

‘Gaztegunea’ Udal Liburutegiko hirugarren solairuan dago, eta ohiko ordutegia ondorengoa da: arratsaldeko 5etatik 9etara, larunbatetan, eta arratsaldeko 5etatik 8etara, igandeetan.

Gazteria Zerbitzuak ezagutarazi du, larunbat eta igandeez gain, Gaztegunea abenduan zabalik izango dela hilaren 8an, 22an, 23an, 29 eta 30ean, arratsaldeko 5etatik 8etara bitartean.