Parte-hartzea %52,26 izan da arratsaldeko 6ak arte, 2005ean baino 3 puntu gehiago

Ermuan jada botoa eman dutenen portzentajeak ia 3 puntu gehiago da, 2005ean erregistratutakoarekin alderatuz gero. Arratsaldeko seietan hautesleen parte-hartzea %52,26 zela ezagutarazi da, hauteskunde mahaietan datuak bildu eta gero. Datu horrek esan nahi du Ermuan botoa eman dezaketen 13.317 hautesleetatik arratsaldeko seiak baino lehen 6.960 pertsonak bozkatu dutela. Orain dela lau urte ordu berean parte-hartzea %49,19 izan zen. Urte hartan bozkatu zezaketenak ere gehiago ziren, 13.749 pertsona alegia. Aldiz, aurten hautesle izan daitezkeenak 13.317 dira, hau da ia 432 pertsona gutxiago.

Nolanahi ere, datuok hurbilpen eta aurrerapena besterik ez dira, oraindik ere bi ordu luze geratzen baitira hauteskunde-kolegioak ixteko. Kolegiook itxitakoan ezagutuko dugu ermuarron parte hartzearen datu zehatza eta benetakoa.

Beheko informazio gehiagoko atalaren bidez, lotura egin diogu Eusko Legebiltzarrerako aurreko deialdietan izandako datuak biltzen dituen taulari. Horretan, urte guztietako eboluzioa ikus baitaiteke.