Arraza diskriminazioaren kontrako ipuin kontaketa

Udal immigrazio zerbitzuak ipuin kontaketa emanaldia antolatu du biharko, aste honetan arraza diskriminazioaren kontrako nazioarteko eguna ospatuko baitugu. Emanaldia helduentzat izango da eta arratsaldeko 7etan hasiko, berori zerbitzuak antolatutako egitarau zabalago baten txertatzen delarik, datorren larunbatean –martxoaren 21ean- arraza diskriminazioaren kontrako nazioarteko eguna delako.

“Besarkadak bezalako ipuinak” titulua jarri zaio saioari eta Roberto Mezquita barakaldarrak egingo du. Honek, munduko lau hegoaldetan jatorria duten ipuinak kontatzen ditu. Sarrera doakoa izango da eta arratsaldeko 7etan hasiko da.

Jarduera hau hartuz, pertsona guztien espazio ireki eta bilgune izateko duen konpromisoa azpimarratu eta berretsi nahi du udal liburutegiak, pertsonen jatorri geografikoaz, arrazaz, ideologiaz, sexuaz nahiz erlijioaz gain. Halaber, gonbite zabala luzatzen digu guztioi bertaratu gaitezen eta ahozko tradizioan oinarrituriko ipuin kontaketa saioaz goza dezagun.

Informazio gehiagoen atalari egindako lasterbidez, saioaren kartela eskaintzen dizuegu.