Europako Legebiltzarrerako hauteskundeei jarraipen berezia egingo

Igandea hauteskunde eguna izango da eta azken boladan ohikoa denez egun berezi horri, jarraipen zehatz eta zorrotza egingo diogu webgune honetan. Igandea izan arren, lan eguna izango dugu pertsona askok, hauteskundeak denon artean behar bezala eta eragozpenik gabe gauzatu daitezen. Horien artean, mahaiak osatuko dituzten herritarrak, segurtasun, osasun eta larrialdi zerbitzuak, besteak beste. izango dira. Udal idazkaritza zabalik eta lanean izango da Europako Legebiltzarrerako 2009ko hauteskunde deialdi hori koordinatzeko lanetan. Web gune korporatibo honetan lanean dihardugun langileek ere, horiekin guztiekin bat egingo dugularik. Hauteskunde hori eguneko gure jomuga eta zeregin nagusiena izango da. Webgune honetan hauteskunde egunari jarraipen zorrotza eta zehatza egingo diogu, egunak ematen duen guztia kontatuz. Egunari hasiera emango diogu goizean goizetik, hauteskunde-mahaien eraketaren eta kolegioak zabaldu izanaren berri emateko. Baita gora-beherak eta partaidetzaren inguruko datuak ordu bietan nahiz arratsaldeko seiretan. Iluntzean boto-zenbaketa egin eta emaitzak jaso ahala, horiek ezagutaraziko ditugu.

Hautesle-erroldaren inguruko kontsultak

Hauteskunde egun guztietan, hainbat herritar herriko Hautesle-erroldan dagoen edo ez eta bozkatzea non dagokion galdezka ibili ohi da. Horri konponbidea emateko, udal idazkaritzak zalantzak dituzten herritarren kontsultak zuzenean jaso eta erantzungo ditu Komentukua kaleko Abipuantu buelgoan. Kontsulta egin eta erantzuna baiezkoa den kasuetan, lankideek bakoitzari zein kolegio eta mahai dagokiogun adieraziko digute. Kontsulta horiek udaletxera bertara etorriz edo 943179010 telefono zenbakira deituz egin ahal izango dira. Idazkaritzak horretarako ezarri duen ordutegia ondokoa da, goizez 9:30etatik14:00etara eta arratsaldez 16:30etatik 19:30etara bitartean.