Langabeentzako lan-orientazioko programa abian da

Ermuko Garapen Ekonomikoko udal sailak ‘3R Tokiko Enplegua’ izeneko programa jarri du abian, enplegua galdu duten eta berriro lan-merkatura bueltatzea nahi duten pertsonei laguntzeko.

Programa Bizkaiko Foru Aldundiarekin batera finantzatzen da, eta parte-hartzaileek enplegua aurkitzeko aukera gehiago izatea du helburu.

Ikastaroa luzatuko den lau hilabeteetan – abendutik datorren martxoaren 31ra bitartean–, hautatutako pertsonek banakako eta taldeko lan-orientazioa jasoko dute. Beren ezaugarriekin bat datozen lan-eskaintzak bilatzen ikasiko dute. Hautaketa-prozesuetako faseak praktikatuko dituzte, parte-hartzaile bakoitzaren beharren arabera.

‘3R Tokiko Enplegua’ programan parte hartu ahal izateko, baldintza hauek bete behar dira:

• Langabezian eta Lanbiden alta emanda egotea.
• Bizkaiko edozein udalerritan erroldatuta egotea.

Interesdunek, baldintzak betetzen badituzte, izena eman dezakete gure udalaren Enplegu Zentroan, Konbentukua kaleko 5. zenbakian. Edo 943 17 91 51 telefonora deituta.