%43,6 partaidetza eta botorik gehienak Partidu Sozialistarentzat izan dira gaur Ermuan

Partidu Sozialistak gaurko Europako Parlamenturako hauteskundeetan botorik gehienak lortu ditu gure herrian. Zapateroren alderdiak guztira 2.594 bozka lortu ditu, hautesle-erroldak Ermuan izan duen 13.308 hautesle posibleetatik. Bigarren alderdi botatuena Partidu Popularra (PP) izan da, zeinak 1.454 bozka (%25,08) lortu dituen.

Boto kopuruaren araberako zerrenda horretan, hirugarren tokia EAJri egokitu zaio 720 botorekin eta portzentajean %12,42. Laugarren, Iniziatiba Internazionalista Herrien Elkartasuna izan da 423 bozka jaso baititu (%7,30). ERC-BNG-Aralar-EA-CHA-Berdeak koalizioak 180 bozkarekin bosgarren izan da (%3,11). Ezker Batua-Berdeak seigarren izan da, 162 txartelekin (%2,79). Azkenik, behin-behineko sailkapenean honetan zazpigarren Rosa Diezen UPyD da 99 botorekin (%1,71) eta atzetik Los Verdes-GVE geratzen da 78 txartelekin. Eropako Parlamenturako emaitzen datu zehatzak ondorengo taula grafikoan eskaintzen ditugu:

2009ko Europako Parlamenturako Hauteskundeen behin-behineko emaitzak

Ikonoa	Talde politikoa	2009ko botoak	botoak (%)
	PSOE	2.594	% 45,14
	PP	1.454	% 25,30
	EAJ-PNV	720	% 12,42
	II	423	% 7,36
	EUROPA DE LOS PUEBLOS-VERDES	180	% 3,13
	EB-B	162	2,79 %
	UPyD	99	1,71 %
	LV-GVE	78	1,36 %

Ermuan hautesleen %43,67 bozkatu du gaurkoan, parte-hartzea duela bost urteko azkenarekin alderatuta, 2,69 puntu jaitsi delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin-betikotzat joko ditu organo horrek.

Informazio gehiago delako lasterbidearen bidez sekzio eta mahai bakoitzean kandidatura eta zerrenda bakoitzak izan dituen emaitzen berri zehatza eskaintzen dugu pdf formatuko taulan.